Qyrǵyzstanda qujatsyz zergerlik buıymdardy zańdastyrýǵa ruqsat etildi
BІShKEK. KAZINFORM — Qyrǵyzstanda baǵaly metaldardan jasalǵan zergerlik buıymdardy 2026 jyldyń 1 naýryzyna deıin rastaıtyn qujattarsyz zańdastyrýǵa bolady, dep habarlaıdy Kazinform menshikti tilshisi.
Qyrǵyzstan Respýblıkasy Memlekettik salyq qyzmetiniń málimetinshe, bul shara zergerlik buıymdar aınalymyn biryńǵaılaý, bıznes júrgizýdiń ashyq jaǵdaılaryn qurý jáne adal kásipkerlerge ákimshilik aýyrtpalyqty azaıtýǵa baǵyttalǵan.
Naýqan kezinde zańdastyrylatyn baǵaly metaldan jasalǵan zergerlik buıymdardy synaý jáne tańbalaý úshin tómendetilgen synamalyq alym qoldanylady. Altyn, platına jáne palladıı zergerlik jáne basqa da otandyq óndiris buıymdary, sondaı-aq jeke nemese zańdy tulǵalardan alynǵan paıdalanylǵan sheteldik buıymdar úshin alym — ár buıym úshin 10 som. Kúmis zergerlik buıymdar úshin alym ár buıym úshin 8 somdy quraıdy.
Qyrǵyz Respýblıkasynyń Quqyqbuzýshylyqtar týraly kodeksine engizilgen túzetýlerde zergerlik buıymdardy arnaıy esepke alýsyz jumys istegen jeke tulǵalarǵa 5 myń som, al zańdy tulǵalarǵa 13 myń som aıyppul salynady.
Jaýapkershilikten qutylý úshin tıisti elektrondyq qujat 2026 jyldyń 1 naýryzyna deıin elektrondyq shot-faktýra aqparattyq júıesinde rásimdelýi tıis.
Eske sala ketsek, 2025 jyly Qyrǵyzstan zergerleri QQS-tan bosatyldy.
2026 jyldyń 31 jeltoqsanyna deıin Qyrǵyzstanda bızneske salyqtyq tekseris júrgizýge moratorıı engizildi.