Qyrǵyzstanda Quryltaı saılaýynda daýys berý aıaqtaldy
BІShKEK. KAZINFORM — Bishkekte Qazaqstannyń Qyrǵyzstandaǵy dıplomatııalyq ókildiginiń saılaý ýchaskesinde jergilikti ýaqyt boıynsha keshki saǵat 20:00–de daýys berý aıaqtaldy, dep habarlaıdy Kazinform agenttiginiń Bishkektegi menshikti tilshisi.
Bishkektegi № 428 saılaý komıssııasynyń ýchaskesinde saılaý protsesi qalypty ótti. Qazaqstan azamattarynyń daýys berýge qatysýy 94%-dy qurady.
Daýys berýshilerdiń arasynda elde ártúrli sebeptermen turatyn jáne sonda júrgen qazaqstandyqtar, sonyń ishinde bı teatrynyń ártisteri men týrıster boldy.
Qazaqstan Respýblıkasynyń Qyrǵyz Respýblıkasyndaǵy elshiliginiń qyzmetkerleri daýys berýdiń ashyqtyǵyn, ýchaskelik saılaý komıssııasynyń úzdiksiz jumys isteýin jáne otandastarynyń qaýipsizdigin qamtamasyz etý úshin bar kúshin saldy.
TMD-ǵa múshe memleketterdiń Parlamentaralyq Assambleıasynyń baqylaýshysy Danııa Azatovanyń atap ótýinshe, daýys berý uıymdastyrylǵan túrde jáne demokratııalyq saılaýdyń negizgi halyqaralyq standarttaryna sáıkes ótti.
— Azamattardyń óz erkin bildirýi úshin barlyq qajetti jaǵdaı qamtamasyz etildi. Azamattardyń saılaý ýchaskesinde bolýy kezinde olardyń tańdaýyna áser etýi múmkin eshqandaı buzýshylyqtar nemese jaǵdaılar baıqalǵan joq. Jalpy alǵanda, daýys berý protsedýrasy saılaýdyń belgilengen talaptary men ashyqtyǵy qaǵıdattaryna sáıkes tıisti túrde uıymdastyryldy, — dep túıindedi ol.
Osyǵan deıin qazaqstandyq bıshilerdiń Qyrǵyzstanda daýys bergenin jazdyq.
