Qyrǵyzstanda krematsııa jasaýǵa zań boıynsha tyıym salyndy
ASTANA. KAZINFORM — Qyrǵyzstan Prezıdenti Sadyr Japarov «Jerleý jáne jerleý isi týraly» zańǵa engizilgen ózgeristerge qol qoıdy. Qujatty Jogorký Keńesh 2026 jylǵy 25 maýsymda qabyldaǵan, dep habarlaıdy Kabar.
Zań jerleý salasyndaǵy quqyqtyq retteýdi jetildirýge, sondaı-aq jerleý rásimderi men bıologııalyq nysandarǵa qatysty sanıtarııalyq-tehnıkalyq sharalardy naqty ajyratýǵa baǵyttalǵan.
Jańa túzetýlerge sáıkes, marqumnyń denesin órteý (krematsııa) rásimine, sondaı-aq kúli salynǵan qumyrany jerleýge nemese burynǵy qabirge qaıta jerleýge ruqsat beretin normalar alyp tastaldy.
Sonymen qatar krematorıılerde qaıtys bolǵan adamdardyń, túsik nátıjesinde alynǵan nemese óli týǵan uryqtardyń denesin órteýge tyıym salyndy. Erekshelik retinde medıtsınalyq qyzmet barysynda alynatyn adam aǵzalary men tinderin sanıtarııalyq maqsatta termııalyq joıýǵa ǵana ruqsat etiledi.
Zań resmı jarııalanǵan kúnnen bastap on kún ótken soń kúshine enedi.
Aıta ketelik Almatyda elimizdegi alǵashqy krematorıı ashyldy: qyzmet baǵasy qandaı ekeni týraly jazǵan edik.
