Qyrǵyzstanda Qorǵanys mınıstrliginiń qyzmetkerleri jemqorlyqpen ustaldy

BІShKEK. KAZINFORM – Qyrǵyzstanda Qorǵanys mınıstrligi sheneýnikteri tarapynan aqsha alýdyń sybaılas jemqorlyq shemasy anyqtaldy, dep habarlaıdy Kazinform menshikti tilshisi.

Qyrǵyzstan Respýblıkasy UQMK málimetinshe, oqý batalony komandıriniń jeke qurammen jumys jónindegi orynbasary maıor M.B.M. men oqý batalony 2-rotasy 1 vzvodynyń komandıri leıtenant K.A.B. «Qoı-Tash» áskerı bóliminde mobılızatsııalyq rezervke áskerge shaqyrylǵandardan aqsha óndirýdiń júıeli shemasyn uıymdastyrǵan.

Habarlanǵandaı, ofıtserler 1 myńnan 50 myń somǵa deıingi aqsha úshin zańsyz qysqa merzimdi eńbek demalysy, bólimsheden ruqsatsyz shyǵý múmkindigi, uıaly telefondardy paıdalaný túrindegi jeńildikter qarastyrǵan.

Qyrǵyz Respýblıkasynyń Ulttyq qaýipsizdik memlekettik komıteti Qyrǵyzstan Respýblıkasy Qylmystyq kodeksiniń 342-baby «Para alý» boıynsha qylmystyq is qozǵady. Atalǵan tulǵalar ustalyp, Qyrǵyz Respýblıkasy UQMK ýaqytsha ustaý oqshaýlaǵyshyna qamaldy.

Tergeý amaldary jalǵasyp jatyr.

Buǵan deıin Qyrǵyzstanda Kólik mınıstriniń birinshi orynbasary ustalǵanyn habarlaǵan bolatynbyz.