Qyrǵyzstanda kontrabandalyq taýar ótkizýge arnalǵan jerasty týneli anyqtaldy

BІShKEK. KAZINFORM – Qyrǵyzstanda kontrabandalyq taýarlardy ótkizýge arnalǵan jerasty týneli anyqtaldy. Qyrǵyzstannyń Ulttyq qaýipsizdik memlekettik komıteti Jalal-Abad oblysynyń Sozaq aýdanyndaǵy úılerdiń birinde qyrǵyz-ózbek shekarasyna jaqyn jerde kontrabandaǵa arnalǵan jerasty týnelin anyqtady, dep habarlaıdy Qyrǵyz Respýblıkasy Ulttyq qaýipsizdik komıtetiniń baspasóz ortalyǵy.

Týnel taýarlar men adamdardy kontrabandalyq jolmen tasymaldaý úshin paıdalanylǵan.

Jerasty týneli Ózbekstan Respýblıkasynyń memlekettik shekarasyna jaqyn jerde ornalasqan, onyń tereńdigi 15 metr, jalpy uzyndyǵy - 130 metr, Qyrǵyz Respýblıkasynyń memlekettik shekarasyna deıingi uzyndyǵy - 50 metr, bıiktigi - 1,7 metr.

Kontrabandalyq kanal uıymdastyrǵany úshin úı ıesi, 1986 jylǵy «E.A.» ustaldy.

Qazirgi ýaqytta Qyrǵyz Respýblıkasy UQMK qyzmetkerleri týneldi paıdalanýdy uıymdastyrýǵa qatysy bar barlyq tulǵalardy, Qyrǵyz Respýblıkasynyń memlekettik shekarasyn zańsyz kesip ótken tulǵalardy jáne el aýmaǵyna zańsyz kirgizilgen taýar túrlerin anyqtaý boıynsha tıisti sharalardy bastady.