Qyrǵyzstanda qonys kolonııalary jabylyp jatyr
ASTANA. KAZINFORM – Eńbekpen túzeý mekemesiniń sońǵy alty kolonııasyn joıý jóninde sheshim qabyldandy. Endi olardyń qajeti joq, dep habarlaıdy Kabar.
Basylym málimetinshe, bul bastama memlekettik basqarý júıesin bıýrokratııadan aryltý baǵytyndaǵy keń aýqymdy reformanyń bir bóligi sanalady.
Sheshimder kezeń-kezeńimen qabyldanǵan. 2025 jyly tıisti kodekster men normatıvtik-quqyqtyq aktilerge ózgerister engizilip, alǵashqy kolonııa-qonystar jabylǵan bolatyn. Al 2026 jylǵy 28 qańtarda reformanyń ekinshi kezeńi júzege asyp, №26, 42, 43, 44, 45 jáne 52 mekemelerin taratý týraly túpkilikti sheshim shyqty.
Reformanyń quqyqtyq negizin 2025 jylǵy 31 shildede qabyldanǵan №181 Zań qalady. Atalǵan qujat Qyrǵyz Respýblıkasynyń Qylmystyq-atqarý kodeksinen «qonys kolonııasy» uǵymyn tolyqtaı alyp tastady.
Reforma probatsııa júıesiniń fýnktsııalardy qaıtalamaýyna, memlekettik qarjyny utymdy paıdalanýǵa jáne eń bastysy — taratylatyn mekemelerde eńbek etken qyzmetkerlerdiń quqyqtaryn qatań saqtaýǵa baǵyttalǵan.
Osyǵan deıin Qyrǵyzstanda turmystyq zorlyq-zombylyq jasaýshylardy elektrondy baqylaý engizilgeni týraly jazdyq.