Qyrǵyzstanda kólik sany 1,8 mıllıonǵa jaqyndady
ASTANA. KAZINFORM — Qyrǵyzstanda tirkelgen avtokólikter sany jarııalandy, dep habarlaıdy Kabar.
2025 jylǵy 1 maýsymdaǵy jaǵdaı boıynsha Qyrǵyzstanda 1 mıllıon 778 myń 901 kólik quraly tirkelgen. Bul týraly «Kabar» agenttiginde ótken baspasóz máslıhatynda Kólik quraldary men júrgizýshilerdi tirkeý jónindegi memlekettik agenttik dırektorynyń orynbasary Baqyt Nasyrov málimdedi.
Onyń aıtýynsha, 2025 jyldyń qańtarynan maýsymyna deıin vedomstvo qyzmetkerleri 425 323 kólikti tirkeý jáne qaıta tirkeý operatsııasyn júrgizgen.
Sondaı-aq, aldyńǵy búıir terezelerdi qarańǵylatýǵa arnalǵan 9 152 ruqsatnama berilgen, olardyń basym bóligi jeke tulǵalarǵa tıesili.
Budan buryn Qyrǵyz Respýblıkasynyń aýmaǵyna 2024 jylǵy 31 jeltoqsanǵa deıin ákelingen, shet memleketterdiń memlekettik tirkeý nómirleri bar, quqyq belgileıtin qujattary joq jáne kedendik resimdeýden ótpegen barlyq kólik quraly zańdastyrylýy tıis ekeni habarlandy.