Qyrǵyzstanda Kólik mınıstriniń birinshi orynbasary ustaldy
ASTANA. KAZINFORM – Qyrǵyzstanda Qyrǵyz Respýblıkasy Kólik jáne kommýnıkatsııa mınıstriniń birinshi orynbasary men merdiger kompanııanyń atqarýshy dırektoryna Naryndaǵy joldardy kúrdeli jóndeýden ótkizý kezinde zańsyzdyqtarǵa jol berdi degen kúdik keltirilip otyr, dep habarlaıdy Kazinform menshikti tilshisi.
QR Memlekettik ulttyq qaýipsizdik komıteti (MUQK) málimetteri boıynsha, 2025 jyldyń 31 tamyzyndaǵy tergeý jumystary barysynda Naryn ishki ister basqarmasy bólimshesiniń qyzmetkerleri Naryn qalasyndaǵy Sheralıev, Lenın kóshelerin kúrdeli jóndeý barysynda QR Kólik jáne kommýnıkatsııa mınıstriniń birinshi orynbasary S.T. men «Beta-Grýpp» kompanııasynyń atqarýshy dırektory M.A. ustaldy.
Qyrǵyzstan MUQK jáne Naryn oblystyq ІІB Qylmystyq kodekstiń 337-baby (qyzmettik ókilettikti teris paıdalaný) boıynsha qylmystyq is qozǵady. Kúdiktiler ýaqytsha ustaý ızolıatoryna qamaldy. Tergeý júrip jatyr.
Osyǵan deıin Qyrǵyzstanda sýbsıdııa kvotalaryn zańsyz taratqan sheneýnikter áshkerelengeni týraly jazdyq.