Qyrǵyzstanda kólik qurastyratyn zaýyt ashylady

BІShKEK. KAZINFORM – Qyrǵyzstannyń Naryn oblysynda «Qyrǵyz poshtasy» AAQ, «Naryn» AEA jáne «Qashǵar» AEA yntymaqtastyǵy aıasynda qurylǵan «Eki el, eki aımaq» bastamasy boıynsha avtokólik qurastyrý zaýyty ashylady. 

Qyrǵyzstan Respýblıkasy Tsıfrlyq damý mınıstrliginiń baspasóz qyzmetiniń habarlaýynsha, zaýytty iske qosý kezeńinde Qytaıdyń «Djıabo» tehnologııalyq kompanııasy, Qyrǵyz Respýblıkasy Prezıdentiniń Naryn oblysyndaǵy ókiletti ókili jáne «Qyrǵyz poshtasy» AAQ arasynda úshjaqty memorandýmǵa qol qoıyldy.

Zaýytty ashý jónindegi kelissózderden keıin «Djıabo» kompanııasynyń bas dırektory Hýan ıÝntsı bastaǵan qytaılyq ınvestorlar zaýyt qurylysyna arnalǵan jer telimderin qarastyrdy. 

Qurylys aıaqtalǵan soń zaýytta benzın, elektr jáne gazben júretin túrli kólik quraldary shyǵarylady. Jergilikti turǵyndar úshin 100-den 1 myńǵa deıin jumys orny ashylady.

Eske salsaq, buǵan deıin Qyrǵyzstan Ulttyq banki «EAEO – 10 jyl» kollektsııalyq monetasyn aınalymǵa shyǵarǵanyn habarlaǵan edik.