Qyrǵyzstanda Kólbaevtyń qylmystyq kiristerin zańdastyrýǵa qatysty taǵy bir kúdikti ustaldy

Marqum K.Asanbektiń (Kólbaev)  qylmystyq kiristerin zańdastyrýǵa qatysy bar degen kúdikpen Qyrǵyz Respýblıkasynyń azamaty V.R.G. ustaldy. Kazinform bul týraly Kabar eginttigine silteme jasap habarlaıdy. 

Komıtettiń málimetinshe, Q.Asanbek tarapynan qylmystyq jolmen alynǵan kiristerdi zańdastyrý (jylystatý) faktisine qatysty tirkelgen sotqa deıingi is júrgizý materıaldary boıynsha tergeý júrgizý barysynda 8 qańtar kúni Qyrǵyzstan Respýblıkasynyń azamaty V.R.G ustaldy.

Oǵan Qyrǵyzstan Respýblıkasy QK 222-babynyń 3-bóligi (qylmystyq kiristerdi zańdastyrý (jylystatý) jáne qylmystyq kodekstiń 96-baby boıynsha qylmys jasady degen aıyp taǵyldy.

V.R.G. Q.Asanbektiń qylmystyq áreketin bile tura, 2016 jyldan beri qylmystyq jolmen tabylǵan qarajatty zańdastyrýmen aınalysyp, Q.Asanbekke tıesili kelesi iri nysandardyń qurylysyna qatysqan: «Berezka» monsha kesheni, «Barys» demalys ortalyǵy, «Qaǵanat Resort» demalys orny, «Ordo» oıyn-saýyq ortalyǵy, sondaı-aq, «Seıil» turǵyn úı qalashyǵyndaǵy kottedjder.

Qazirgi ýaqytta Qyrǵyzstan Respýblıkasynyń Ulttyq qaýipsizdik komıteti Q.Asanbekke tıesili múlikti anyqtaý jáne memleket menshigine qaıtarý boıynsha tıisti jedel-izdestirý sharalaryn jalǵastyryp jatyr.

Buǵan deıin Kólbaevtyń 720 páteri memleket menshigine qaıtaryldy.

Esterińizge sala keteıik, qazan aıynda Bishkekte arnaıy operatsııa kezinde qylmystyq avtorıtet Qamshy Kólbaevtyń qaza tapqany habarlanǵan bolatyn.

Keıin Qyrǵyzstannyń 50 keden qyzmetkeri Kamshy Kólbaevpen baılanysy úshin jumystan shyǵaryldy