Qyrǵyzstanda qyzylsha aýrýyna shaldyqqandar sany artty

BІShKEK. KAZINFORM – Respýblıkada qyzylsha dertine qatysty jaǵdaı shıelenisip tur, dep habarlaıdy Kazinform menshikti tilshisi. 

қызылша
Фото: Kazinform

Qyrǵyzstan Respýblıkasy Densaýlyq saqtaý mınıstrliginiń Respýblıkalyq ımmýnoprofılaktıka ortalyǵynyń málimetinshe, jyl basynan beri qyzylsha aýrýyna shaldyǵýdyń 2 046 jaǵdaıy tirkelgen. 

Aýrýǵa shaldyqqandardyń eń kóp sany bas qalada – 1 291, Oshta – 95, Osh oblysynda – 147, Batken oblysynda – 44, Shý oblysynda – 311, Jalal-Abad oblysynda – 20, Ystyqkól oblysynda – 43, Talas oblysynda – 40 jáne Naryn oblysynda 55 adam tirkelgen.

Naýqastardyń 96%-y (1 972 jaǵdaı) ekpe almaǵan. Sonyń ishinde 695 adam (34%) jasyna baılanysty, 889 adam (43%) bas tartýyna baılanysty, 29-y (1%) kóship ketýi sebebimen, 219-y (11%) medıtsınalyq sebepterge baılanysty, 140-y (7%) – ekpe statýsynyń belgisiz bolýyna baılanysty ekpe salynbaǵan. 

– Respýblıkada qyzylshaǵa qatysty jaǵdaı shıelenisip tur. Negizgi ósim Bishkekte baıqalady, onda 1 291 jaǵdaı tirkelgen, bul jalpy kórsetkishtiń 62%-yn quraıdy. Aýrýǵa shaldyǵý deńgeıiniń ósýine negizgi sebep – balalar arasynda qyzylsha men qyzamyqqa qarsy josparly ımmýndaýdan bas tartý, - dep habarlady vedomstvo.

Buǵan deıin Batys Qazaqstanda 1 300-den astam adam qyzylshamen aýyrǵanyn habarlaǵan edik. 

Сейчас читают