Qyrǵyzstanda qylmystyq topqa tıesili qarý-jaraq qoımasy tabyldy
ASTANA. KAZINFORM - Qyrǵyzstannyń Osh oblysynda Djengo uıymdasqan qylmystyq tobynyń múshelerine tıesili qarý-jaraq jasyrylǵan oryn anyqtaldy.
Bul týraly agenttiktiń Bishkektegi menshikti tilshisi habarlady.
Qyrǵyzstan Ulttyq qaýipsizdik memlekettik komıteti málimetinshe, jasyryn qoıma «Osh» halyqaralyq áýejaıy mańynan tabylǵan.
Tekserý kezinde sholaq ańshy myltyǵy, «Saıga» markaly AK karabıni, eki Makarov tapanshasy jáne atalǵan qarýlarǵa arnalǵan oq-dáriler tárkilendi.
Qazir qarý-jaraqty jasyrǵan adamdardy anyqtaý jumystary júrip jatyr. Sonymen qatar tárkilengen qarý men oq-dáriniń qaıdan shyqqany tekserilý ústinde.
Osyǵan deıin Qyrǵyzstanda uıymdasqan qylmystyq toptyń qarý-jaraq qoımasy tabylǵany týraly jazdyq.
