Qyrǵyzstannan Qazaqstanǵa 3,3 kg altyn ótkizbek bolǵandar ustaldy
ASTANA. KAZINFORM – Qyrǵyzstanda qun 30 mln qyrǵyz somynan asatyn altyn qumalardy Qazaqstanǵa ótkizý áreketiniń joly kesildi, Kazinform agenttiginiń menshikti tilshisi.
Ulttyq qaýipsizdik memlekettik komıteti baspasóz qyzmetiniń habarlaýynsha, 17 qyrkúıek kúni «Ken-Býlýn» baqylaý beketinde Qazaqstanǵa bet alǵan Lexus 470 markili kóligi toqtatyldy. Kólikti tekserý barysynda arnaı ornatylǵan jasyryn oryn anyqtaldy. Ol jerden salmaǵy 3,3 kg bolatyn Qyrǵyzstannan shyǵarýǵa ruqsat beretin qujattary joq altyn tabyldy.
«Qazirgi tańda jedel tergeý áreketteriniń aıasynda respýblıkalyq bıýdjetke keltirilgen shyǵyn kólemin esepteý jónindegi jumystar uıymdastyryldy. Sondaı-aq quramynda altyny bar metaldar kontrabandasyna qatysy bar ózge adamdardy anyqtaý jumystary júrgizlip jatyr»,-delingen habarlamada.
