Qyrǵyzstanda qazaqstandyq snoýbordshy kóz jumdy

ASTANA. KAZINFORM – «Karakol» taý shańǵy bazasynda qazaqstandyq azamat qaza tapty. Bul týraly 24.kg saıty habarlady. 

Qaıǵyly oqıǵa 27 aqpanda bolǵan. Barlyq qajetti saraptama taǵaıyndalyp, oqıǵanyń mán-jaıy anyqtalyp jatyr.

Bul týraly 24.kg basylymyna Ystyqkól oblystyq ІІB baspasóz qyzmeti málimdegen.

- Polıtsııaǵa jazataıym oqıǵa týraly habar túskennen keıin oqıǵa ornyna jedel-tergeý toby jetken, - delingen habarlamada.

Mamandardyń anyqtaýynsha, 43 jastaǵy Qazaqstan azamaty snoýbordpen syrǵanap kele jatyp, dosymen soqtyǵysyp qalǵan. Aýyr jaraqat alǵan er adam oqıǵa ornynda jan tapsyrǵan. 

Sonymen qatar, marqumnyń tájirıbeli snoýbordshy bolǵany da atap ótildi. 

Aıta ketelik Shymbulaq aspajolynda adamdar qalyp qoıǵan edi.