Qyrǵyzstanda qaıtys bolǵan adamdardy krematsııalaýǵa ruqsat berildi

ASTANA. KAZINFORM – Qyrǵyzstanda krematorııler salynady. Olar tek qalalarda jumys isteıdi jáne bul tásildi memlekettik organdar arqyly ǵana qoldanýǵa bolady, dep habarlaıdy Qyrǵyzstannyń 24.kg saıty.

Qyrǵyzstan parlamentiniń depýtaty Marlen Mamatalıev elde memlekettik krematorııler salynatynyn aıtty. Marqumdy órteý kerek degen pikirdi qoldaıtyndar az emes.

Mundaı mekemelerdi salý týraly tarmaq «Jerleý jáne jerleý isi týraly» zańda bar.

"Qazir bul zańda belgili bir din ókilderin krematsııalaý múmkindigi qarastyrylǵan. Krematorııler túrli aýrýdan ólgen janýarlarǵa da arnalǵan. Qazir olardyń máıitteri qarapaıym qoqysqa laqtyrylýda", - dedi Marlen Mamatalıev.

Depýtat krematorııler úkimet qarjysyna Qyrǵyzstan qalalarynda ǵana salynatynyn aıtty.

"Krematsııalaý jumystaryn qatań túrde tıisti organdar júzege asyrady. Týystary rastaý qujattaryn kórsetýi kerek. Kim qalasa, sol jasaı salatyndaı ońaı nárse bolmaıdy", - dedi Mamatalıev.