Qyrǵyzstanda qaıyr suraǵandarǵa jaza kúsheıtiledi

ASTANA.KAZINFORM - Qyrǵyzstan Parlamentiniń depýtattary qaıyr suraýdy azaıtýǵa baǵyttalǵan zań jobasyn birinshi oqylymda qabyldady, dep habarlaıdy Kazinform agenttiginiń Bishkektegi tilshisi.

Qujat qaıyr suraýdy azaıtý, onyń qoǵamdyq tártipke keri áserin joıý, joldarda qaıyr suraýdy joıý arqyly jol qaýipsizdigin jaqsartý jáne osal toptardy qanaýdan qorǵaý maqsatynda ázirlengen.

Qoǵamdyq oryndarda, sonyń ishinde joldarda úzdiksiz qaıyr suraý kelesi jazaǵa ákep soǵady:

* Joldarda qaıyr suraý, sondaı-aq aqsha nemese basqa materıaldyq qundylyqtar alý maqsatynda qoǵamdyq oryndarda úzdiksiz qaıyr suraý 20-30 saǵatqa deıin qoǵamdyq jumystarǵa tartýǵa nemese úsh kúnge deıin qamaýǵa alýǵa ákep soǵady;

* Bir aı ishinde qaıtalanǵan buzýshylyq 30-40 saǵatqa deıin qoǵamdyq jumystarǵa tartýǵa nemese úsh-bes kúnge deıin qamaýǵa alýǵa ákep soǵady;

* Sheteldik azamattyń bir aı ishinde qaıtalanǵan buzýshylyq elden deportatsııaǵa ákep soǵady.

Qaıyr suraýmen aınalysqany úshin:

* Eger egde jastaǵy adamdar, júkti áıelder, múgedek nemese psıhıkalyq aýytqýlary bar adamdar qaıyr suraýǵa qatyssa, aıyppul 200 eseptik birlik (20 000 som nemese 114 000 teńgeden astam) quraıdy;

* Sheteldik azamattyń bir aı ishinde qaıyr suraý týraly qaıtalap jasaǵan qylmysy elden shyǵarylýǵa ákep soǵady.

Buǵan deıin Qyrǵyzstanda áıelder maskasy men parıgin kıip, dúken tonaǵan qylmystyq toptyń toǵyz múshesi ustalǵan bolatyn.