Qyrǵyzstanda qaterli isikke shaldyqqan naýqastardyń sany kóbeıgen

ASTANA. KAZINFORM — 2024 jyly Qyrǵyzstanda qaterli isiktiń 6 651 jańa jaǵdaıy tirkeldi. Bul kórsetkish 2023 jylmen salystyrǵanda 8,9%-ǵa joǵary, dep habarlaıdy Kabar.

Bul týraly Qyrǵyz Respýblıkasynyń Densaýlyq saqtaý mınıstrligi habarlady.

Bul derekter 28 shilde kúni ótken Densaýlyq saqtaý mınıstrliginiń keńeıtilgen alqa otyrysynda jarııa etildi.

Jıyn onkologııalyq qyzmetti reformalaýǵa arnaldy.

Medıtsınalyq kómekti uıymdastyrý jáne dárilik saıasat basqarmasynyń basshysy Nurgúl Ibraevanyń aıtýynsha, naýqastardyń 40%-dan astamy dárigerge aýrýdyń kesh satysynda ǵana júginedi.

Keıbir óńirlerde bir jyl ishindegi ólim-jitim kórsetkishi 40%-dan asyp otyr, al el boıynsha bes jyldyq ómir súrý kórsetkishi — 34,2%.

Osydan buryn Qyrǵyzstan ıadrolyq jáne radıatsııalyq apattar kezinde kómek kórsetý týraly halyqaralyq konventsııaǵa qosylǵanyn jazǵan edik. Radıologııalyq qaýipsizdik salasyndaǵy halyqaralyq standarttardy engizý azamattardyń densaýlyǵyn uzaq merzimdi qorǵaý men qorshaǵan ortany qorǵaýǵa jaǵdaı jasaıdy.