Qyrǵyzstanda kásipkerler men ınvestorlardyń quqyǵyn qorǵaý kúsheıtildi

ASTANA. KAZINFORM — Qyrǵyzstan elde ekonomıkalyq qyzmetpen aınalysatyn kásipkerler men ınvestorlardyń quqyǵyn qorǵaýdy kúsheıtti. Qyrǵyz Respýblıkasynyń Prezıdenti Sadyr Japarov kásipkerler men ınvestorlardyń qyzmetine kedergi keltirgender jazasyn qataıtatyn zańǵa qol qoıdy.

Zańdy respýblıka parlamenti 27 maýsym kúni qabyldady.

Kásipkerlik sýbektilerine zańsyz tekseris júrgizgen nemese olardyń zańdy qyzmetine kedergi keltirgen laýazymdy tulǵalarǵa jaýapkershilik kúsheıtildi.

Sonymen qatar, kásipkerler men ınvestorlarǵa qatysty bultartpaý sharalaryn qoldaný máselesin qaraý kezinde qabyldanǵan zań sottardy elektrondy bilezikterdi (elektrondyq baıqaý), kepilge nemese úı qamaǵyna alýdy birinshi kezektegi tártippen qaraýǵa mindetteıdi.