Bishkekte Kaspi akkaýnttaryn zańsyz satýmen aınalysqan shema áshkerelendi
ASTANA. KAZINFORM — Bishkekte azamattardy Qazaqstannyń Kaspi bankinen shot ashýǵa arbap, keıin ony bógde tulǵalarǵa tabystap otyrǵan qylmystyq shemanyń beti ashyldy, dep habarlaıdy 24.kg.
Bishkek qalalyq ІІBB osy zańsyz áreketke qatysy bar 13 adamdy anyqtap, tergeý bólimine shaqyrdy. Olardyń ishinde zańsyz shot ashqan 8 dropper, jurtty arbaǵan 2 uıymdastyrýshy, osy akkaýnttarǵa ıelik etpek bolǵan 2 tapsyrys berýshi jáne bir taksı júrgizýshisi bar.
Resmı málimetke saı, bank akkaýnttaryn ashyp, úshinshi tulǵalarǵa bergeni úshin ár adamǵa 10 myń somnan (shamamen 51 myń teńge) tólengen. Al shemany uıymdastyrýshylar bul qyzmeti úshin tapsyrys berýshilerden syıaqy alǵan.
Quqyq qorǵaý organdarynyń paıymdaýynsha, bul akkaýnttar qylmystyq kiristerdi zańdastyrýǵa, zańsyz P2P-operatsııalarǵa jáne basqa de zańsyz shemalarǵa qoldanylýy múmkin.
Qazirgi ýaqytta mundaı zańsyz áreketke qatysy bar barlyq tulǵa anyqtalyp, oqıǵanyń mán-jaıy zerttelip jatyr.
Quqyq qorǵaý organdary azamattardan aqshalaı syıaqy úshin bank kartalaryn, shottaryn jáne mobıldi qosymshalardyń qupııa sózderin bógde adamdarǵa bermeýdi talap etti.
Buǵan deıin Aqtóbe oblysynyń polıtsııasy stýdentterdiń 10 myń teńge úshin dropperlik shemalarǵa aldanyp, alaıaqtyq isterge qalaı aralasyp jatqanyn eskertken bolatyn.
