Qyrǵyzstanda qansha azamat nesıe alýǵa tyıym salý qyzmetin paıdalandy

ASTANA. KAZINFORM — Qyrǵyzstanda óz-ózine nesıe alýǵa tyıym salý týraly zań 2025 jyldyń 1 qarashasynda kúshine endi, dep habarlaıdy Kazinform agenttiginiń menshikti tilshisi.

Qyrǵyzstan Respýblıkasy Ulttyq bankiniń málimeti boıynsha, osy jyldyń 1 qarashasy men 19 jeltoqsany aralyǵynda 98 000-nan astam qyrǵyzstandyq «Túndúk» mobıldi qosymshasy arqyly nesıe alýǵa óz-ózine tyıym salý qyzmetin iske qosqan.

Qyzmet azamattardy qarjylyq alaıaqtyqtan qorǵaýǵa baǵyttalǵan.

Nesıe alýǵa óz-ózine tyıym salý qyzmeti iske qosylǵannan keıin, eshbir nesıe mekemesi jalǵan nemese urlanǵan tólqujatpen de nesıe bere almaıdy.

Qazaqstanda bul qyzmet 2023 jyldan beri jumys isteıdi. Árbir qazaqstandyq eGov.kz portalynda nesıeler men mıkronesıelerge óz erkimen tyıym sala alady. Reseıde nesıe men mıkronesıelerge óz-ózine tyıym salý 2025 jyldyń 1 naýryzynan bastap kúshine endi.

Buǵan deıin Qyrǵyzstanda shetel azamattaryna rezıdent-karta beriletini týraly habarlaǵan edik.