Qyrǵyzstanda Qamshy Kólbaevtyń qylmystyq toby músheleriniń jyljymaıtyn múlikteri anyqtaldy

Qyrǵyz Respýblıkasynyń Ulttyq qaýipsizdik memlekettik komıteti qylmystyq jolmen alynǵan múlikti anyqtaý is-sharalary barysynda Qamshy Kólbaevtyń uıymdasqan qylmystyq tobynyń múshelerinen birneshe jyljymaıtyn múlik obektilerin anyqtady.

Kazinform agentiginiń tilshisi bul týraly Qyrǵyz Respýblıkasynyń Ulttyq qaýipsizdik memlekettik komıtetiniń baspasóz qyzmetine silteme jasap habarlaıdy.

Vedomstvonyń málimetinshe, uıymdasqan qylmystyq toptarǵa qarsy is-qımyl jónindegi memlekettik saıasatty iske asyrý maqsatynda marqum Q.Kólbaevtyń uıymdasqan qylmystyq tobynyń múshelerine qatysty «qylmystyq kiristerdi zańdastyrý (aqshanyń izin jasyrý)» faktisi boıynsha tergeýge deıingi tekserý jumystary júrgizilýde.

MUQK tekserýi barysynda «Ilbırs-Saadat», «Býrana Rezort», «Kosta Bravo» demalys oryndaryndaǵy kottedj úıler, sondaı-aq Sholpan-Ata qalasyndaǵy saýda ortalyǵy anyqtaldy.