Qyrǵyzstanda Qamshy Kólbaevtyń quny jarty mln dollar turatyn asyltuqymdy jylqylary tárkilendi

Qyrǵyzstanda qylmystyq is aıasynda júrgizilgen jedel-izdestirý sharasynyń barysynda quny 500 myń AQSh dollary bolatyn asyltuqymdy jylqylar alyndy.

Jylqylar jaqynda ǵana, arnaıy operatsııa barysynda óltirilgen Qamshy Kólbaevqa tıesili bolyp shyqty, dep habarlaıdy Kazinform QR Ulttyq qaýipsizdik memlekettik komıtetiniń baspasóz qyzmetine silteme jasap.

Uıymdasqan qylmyspen kúres jáne olardyń qarjylandyrý kózderiniń jolyn kesý baǵytyndaǵy memlekettik saıasatty júzege asyrý barysynda Qyrǵyzstannyń Ulttyq qaýipsizdik memlekettik komıteti «uıymdasqan qylmystyq topqa qatysý» baby boıynsha qylmystyq is qozǵap, tergep jatyr.

Qazirgi tańda qylmystyq jolmen tabylǵan jyljymaıtyn jáne ózge de múlikterdi anyqtaý baǵytyndaǵy jumystar jalǵasýda.

Osyǵan deıin Bishkekte arnaıy operatsııa kezinde qylmystyq avtorıtet Qamshy Kólbaevtyń qaza tapqanyn jazǵan edik.