Qyrǵyzstanda Qamshy Kólbaevtyń aǵasy ustaldy

BІShKEK. KAZINFORM — Qyrǵyzstanda Qamshy Kólbaevtyń uıymdasqan qylmystyq tobynyń múshelerine jerdi zańsyz berýge qatysty sybaılas jemqorlyq isi boıynsha onyń aǵasy Joldoshbek Kólbaev pen toptyń úsh múshesi ustaldy, dep habarlaıdy Kazinform tilshisi. 

Qyrǵyzstan Respýblıkasy ІІM málimetinshe, 2009 jyly Ystyqkól oblysyna qarasty Chon-Sary-Oı aýyly ákimdiginiń laýazymdy tulǵalary turǵyn S. K-ǵa 5 ga sport keshenin salýǵa jer telimin 49 jylǵa jalǵa bergen. Bul rette nysan salynǵan joq, bul jerdi memleketke qaıtarýdy talap etken jergilikti turǵyndardyń narazylyǵyn týdyrdy.

— Janjal aıasynda uıymdasqan qylmystyq top músheleri S. K.-ǵa 1 ga jerdi «ortaq qorǵa» berýdi talap etip, qysym kórsete bastady. Qoqan-loqydan qoryqqan ol Qamshy Kólbaevtyń aǵasy J.K.-dan qoldaý surap, qysymdy toqtatý úshin qajetti jer ýchaskesiniń bir bóligin berýdi ýáde etken, — delingen habarlamada.

Atalǵan fakti boıynsha Qyrǵyz Respýblıkasy Qylmystyq kodeksiniń 336-baby «Sybaılas jemqorlyq» boıynsha qylmystyq is qozǵaldy. Uıymdasqan qylmystyq toptyń kelesi músheleri ustalyp, Bishkektegi ýaqytsha ustaý abaqtysyna qamaldy. Olar: S. A. (1977 j. t.), K.J. (1976 j. t.), E.M (1974 j. t.) jáne O.A. (1976 j. t.).

Eske sala ketsek, 2023 jyldyń qazan aıynda Bishkekte arnaıy operatsııa kezinde qylmystyq avtorıtet Qamshy Kólbaev qaza tapty. 

Qyrǵyz Respýblıkasynyń Ulttyq qaýipsizdik memlekettik komıteti qylmystyq jolmen alynǵan múlikti anyqtaý is-sharalary barysynda Qamshy Kólbaevtyń uıymdasqan qylmystyq tobynyń múshelerinen birneshe jyljymaıtyn múlik obektilerin anyqtady. 

Qamshy Kólbaevtyń quny jarty mln dollar turatyn asyltuqymdy jylqylary tárkilendi. Al Qyrǵyz Respýblıkasynyń memleket múlkin basqarý agenttigi Qamshy Kólbaevqa tıesili bolǵan alty avtokólik elektrondyq aýktsıon arqyly satylatynyn málim etti.