Qyrǵyzstanda qabyqty áktas eksportyna moratorıı engizildi

BІShKEK. KAZINFORM — Elde qabyqty áktasty EAEO kedendik aýmaǵynan tysqary jerlerge shyǵarýǵa ýaqytsha tyıym salyndy, dep habarlaıdy Kazinform menshikti tilshisi.

Tıisti jarlyqqa Qyrǵyz Respýblıkasy Mınıstrler kabınetiniń basshysy Adylbek Qasymalıev qol qoıdy.

Óńdelmegen nemese qatty usaqtalmaǵan, tikburyshty nemese tórtburyshty bloktarǵa nemese plıtalarǵa kesilip nemese basqa jolmen bólingen qabyqty áktasty áketýge tyıym salynady. 

Bul sharalar orny tolmaıtyn tabıǵı resýrstardy utymdy paıdalanýǵa jáne «Jalpaq-Tash» ken ornyndaǵy tabıǵı qabyqty áktas shıkizatynyń tapshylyǵyn boldyrmaýǵa baǵyttalǵan.

Qyrǵyz Respýblıkasynyń Ekonomıka jáne saýda mınıstrligine qaýly kúshine engen kúnnen bastap úsh kúnnen keshiktirmeı belgilengen tártippen Dúnıejúzilik saýda uıymy men Eýrazııalyq ekonomıkalyq komıssııany ýaqytsha tyıym salýdyń engizilgeni týraly habardar etý tapsyryldy. Al eldiń Syrtqy ister mınıstrligine TMD Atqarý komıtetin habardar etý tapsyryldy.

Buǵan deıin Qyrǵyzstanda mal eksportyna ýaqytsha tyıym salynǵanyn jazǵan bolatynbyz.