Qyrǵyzstanda ınflıatsııa 10%-ten aspaıdy

2023 jyl qorytyndysy boıynsha, Qyrǵyzstanda ınflıatsııa 10%-ten aspaıdy. Mundaı boljamdy «Kabar» agenttigindegi baspasóz konferentsııasynda Qyrǵyz Respýblıkasy Ekonomıka jáne kommertsııa mınıstri Danııar Amangeldıev jasady, dep habarlaıdy Kazinform.

— Inflıatsııalyq qysym joǵary boldy, álemdik konektýra azyq-túlik baǵasyn túsirýge múmkindik bermedi, suranys joǵary boldy. Álemdegi ınflıatsııa deńgeıi eki túrli. Mınıstrler kabıneti júrgizgen qazynalyq saıasattyń arqasynda gıperınflıatsııanyń aldyn aldyq. Jyl qorytyndysy boıynsha, ınflıatsııa 10 protsentten aspaıdy dep josparlap otyrmyz, - dedi mınıstr.

Onyń sózinshe, gıperınflıatsııany boldyrmaý áleýmettik mańyzy bar taýarlardy qosymsha qun salyǵynan bosatý arqyly júzege asty.

— Esep palatasy bıýdjet shamamen 60 mlrd som almaǵanyn atap ótti. Soǵan qaramastan, biz bul qarjyny turǵyndardyń tabysyn saqtap qalýǵa baǵyttadyq. Sebebi bul - azamattarymyz tóleýi qajet qosymsha salyq bolatyn, - dep túsindirdi Amangeldıev.