Qyrǵyzstanda halyqaralyq esirtki arnasynyń joly kesildi

ASTANA. KAZINFORM — Qyrǵyzstanda Qazaqstan, Qyrǵyzstan, Reseı jáne Tájikstan azamattarynan quralǵan transulttyq uıymdasqan qylmystyq esirtki tobynyń qyzmeti áshkerelendi, dep habarlaıdy Kazinform agenttiginiń menshikti tilshisi. 

QR ІІM-niń Esirtki qylmysyna qarsy kúres qyzmetiniń málimetinshe, 7 adamnan turatyn bul top uzaq ýaqyt boıy aýǵan tekti esirtki zattaryn asa iri kólemde Qyrǵyzstan aýmaǵy arqyly kontrabandalyq jolmen taratqan.

Kúdiktilerdiń ýaqytsha jáne turaqty turatyn jerlerinen, sondaı-aq arnaıy jabdyqtalǵan jasyryn qoımalar men avtokólikterden aýǵan tekti 136,8 kg esirtki zaty tárkilendi. Onyń ishinde 20,4 kg — apıyn, 116,4 kg — gashısh. Sonymen qatar 44,7 myń AQSh dollary, 8 mln sým, 2 myń rýbl jáne 396 myń som tárkilendi. Memleket kirisine 6 avtokólik ótkizildi.

Atalǵan derek boıynsha birqatar qylmystyq is qozǵalyp, tergeý amaldary júrgizilip jatyr.

Eske salaıyq, Qyrǵyzstanda Nestle balalar taǵamynyń jekelegen partııalary keri qaıtarylyp jatyr.