Qyrǵyzstanda fermerler 2030 jylǵa deıin jer salyǵynan bosatylady
ASTANA. KAZINFORM — Qyrǵyzstanda fermerler men aýyl sharýashylyǵy ónimin óndirýshiler 2030 jylǵa deıin jer salyǵyn tóleýden bosatylady, dep habarlaıdy Kabar.
Bul týraly Memlekettik salyq qyzmeti tóraǵasynyń orynbasary Kýbanychbek Ysabekov «Bırınchı radıo» tikeleı efırinde habarlady.
Onyń aıtýynsha, qazirgi ýaqytta aýyl sharýashylyǵy salasy úshin birqatar salyqtyq jeńildikter qarastyrylǵan.
Eske sala keteıik, buǵan deıin jer salyǵynan bosatý sharasy úsh jylǵa arnalǵan edi. Alaıda usynylyp otyrǵan ózgeristerge sáıkes, bul merzimdi taǵy bes jylǵa uzartý josparlanyp otyr.
Osydan buryn Qyrǵyzstannyń Densaýlyq saqtaý mınıstrliginiń basshysy Erkın Checheıbaev el halqynyń qoǵamdyq densaýlyǵyn jaqsartý maqsatynda temekige salynatyn aktsızdik salyqty arttyrýdy usyndy.