Qyrǵyzstanda famılııa jazýdyń jańa nusqasyn engizý usynyldy

ASTANA.KAZINFORM - Qyrǵyzstanda qujatta adamnyń tegin jazýdyń jańa nusqasyn engizý usynyldy, dep jazady Kabar.

Tıisti zań jobasyn qoǵamdyq talqylaýǵa Jogorký Kenesh spıkeri Nurlanbek Shákıev pen depýtat Mırlan Samyıqoja usyndy.

Bastamashylardyń aıtýynsha, ózgeris engizýdiń basty maqsaty - qyrǵyzdardyń salt-dástúri men mádenı erekshelikterine saı famılııa tańdaý múmkindikterin keńeıtý.

Zańnamanyń qoldanystaǵy redaktsııasynda famılııa tańdaýdyń shekteýli nusqalary bar. Bul mádenı dástúr men otbasylyq erekshelikterdi saqtaǵysy keletin azamattar úshin qıyndyqtar týdyrýy múmkin.

Qazirgi famılııalar júıesi árdaıym qyrǵyz mádenıeti men otbasylyq ádet-ǵuryptardyń baılyǵyn eskermeıdi, bul mádenı murany daralaý men keıingi býynǵa berý múmkindikterin shekteıdi.

Zań jobasynda tegi men ákesiniń atyn jazýdyń kelesi nusqalaryn qosý usynylady:

– Atasynyń atymen tegin jazý kezinde balanyń ákesiniń atyna ata-anasynyń qalaýy boıynsha er bala bolsa "uly" sózi jáne qyz bala bolsa "qyzy" sózi qosylady. Atasynyń atymen tegin jazýda «tegi» sózi qosylyp jazylsa, onda bul jaǵdaıda er balalarǵa «dyn/tyn», «dın/tın», «dún/tún» ıelik jalǵaýlary jazylady. Al qyz balalarǵa «dan /tan”, "den/ten", "dón/tón" jalǵaýlary qosylady.

Sonymen qatar, qyrǵyz tilinde «tegin» sózi tanymal bola qoıǵan joq, óıtkeni bul sózdiń maǵynasy bir nárseni nemese áldeneni joqqa shyǵarýdy bildirýi múmkin. Qyrǵyz halqynda «Tegin jerden sóz bolmaıdy» degen sóz bar, ol «Áńgime joq jerden shyqpaıdy» degen maǵynadaǵy qubylystyń bolymsyzdyǵyn bildiredi.

Sonymen birge «tegi» sózi adamnyń qandaı jynysqa jatatynyn kórsetedi.