Qyrǵyzstanda et satatyn mobıldi dúkender paıda bolady
ASTANA.KAZINFORM - Qyrǵyzstan áleýmettik baǵamen et satatyn avtodúkenderdi iske qosý josparlap otyr, dep habarlaıdy Kazinform agenttiginiń menshikti tilshisi.
Qyrǵyzstan Aýyl sharýashylyǵy jáne sý resýrstary mınıstrliginiń málimetinshe, jobanyń maqsaty - halyqty, ásirese shalǵaı aımaqtardy joǵary sapaly jáne qoljetimdi et ónimderimen qamtamasyz etý.
Zamanaýı mobıldi et satatyn avtodúkenderdiń iske qosylýy azyq-túliktiń qoljetimdiligin arttyrady jáne óndirýshiden tutynýshyǵa tikeleı jetkizýge múmkindik beredi.
Buǵan deıin Qyrǵyzstanda et baǵasyna memlekettik retteý engizilgenin habarlaǵan edik.
Burynǵy esepterde ótken jyldyń alǵashqy 10 aıynda eldegi tutyný baǵalary men tarıfteriniń óskeni kórsetilgen.
