Qyrǵyzstanda esirtkige baılanysty qylmystar úshin jaza qatańdatyldy
ASTANA. KAZINFORM — Qyrǵyzstan prezıdenti Sadyr Japarov Qyrǵyz Respýblıkasynyń Qylmystyq kodeksine ózgerister engizý týraly zańǵa qol qoıdy, dep habarlaıdy Kabar.
Atalǵan zań 2025 jylǵy 10 sáýirde Jogorký Keńesh (Parlament) tarapynan qabyldanǵan.
Bul zańnyń maqsaty — qylmystyq zańnamanyń iske asyrylýynda sybaılas jemqorlyqqa jol beretin tetikterdi azaıtý jáne laýazymdy tulǵalardyń dıskretsııalyq ókilettikterin teris paıdalanýyn boldyrmaý.
Zańǵa sáıkes Qyrǵyz Respýblıkasynyń Qylmystyq kodeksine kelesi ózgerister engiziledi:
-
Ómir boıy bas bostandyǵynan aıyrý jazasy, eger sot tarapynan qylmystyq istiń eskirý merzimin qoldaný múmkin bolmasa, jıyrma jylǵa bas bostandyǵynan aıyrý jazasymen aýystyrylady;
-
Esirtki zattardy, psıhotroptyq zattardy nemese olardyń analogtaryn zańsyz daıyndaý jáne ótkizý maqsatynda jasalǵan qylmystarǵa qylmystyq jaýapkershiliktiń eskirý merzimin qoldanýǵa tyıym salynady;
-
Mundaı qylmys úshin sottalǵan tulǵalarǵa merziminen buryn shartty túrde bosatý qoldanylmaıdy.
Buǵan deıin Qyrǵyzstanda jyl saıyn 140 myńnan astam áıel ana atanatynyn jazǵanbyz.