Qyrǵyzstanda epızootıkalyq baqylaý kúsheıtiledi
BІShKEK. KAZINFORM — Qyrǵyzstanda epızootıkalyq monıtorıngti kúsheıtý jáne veterınarııa salasyn tsıfrlandyrý úshin «Aýrýdyń oshaǵyn tirkeý jáne baqylaý júıesi» geoaqparattyq júıesi ázirlendi, dep habarlaıdy Kazinform agenttiginiń Bishkektegi menshikti tilshisi.
Sý resýrstary, aýyl sharýashylyǵy jáne óńdeý ónerkásibi mınıstrligi janyndaǵy Veterınarııa qyzmetiniń málimetinshe, jańa júıe juqpaly aýrýlardyń taralýyna jedel den qoıýdy qamtamasyz etýge baǵyttalǵan jáne barlyq derekterdi karta formatynda biryńǵaı tsıfrlyq platformada kórsetýge múmkindik beredi.
Júıe arqyly sibir jarasy, krematorııler, Bekkarı shuńqyrlary, mal toǵytý vannalary jáne mal qorymdaryn esepteý jáne baqylaý qoldanylady.
Platforma ınteraktıvti kartada nysandardy dál kórsetý, epızootıkalyq sharalardy jedel basqarý, derekterdi jınaý, saqtaý jáne taldaý, sondaı-aq úkimettik aqparattyq júıelermen ıntegratsııalaý múmkindigin usynady.
Osyǵan deıin Qyrǵyzstan mal men et ımportyna veterınarlyq baqylaýdy kúsheıtkenin jazǵan bolatynbyz.