Qyrǵyzstanda elektrondy temeki ımportyna tyıym salyndy

BІShKEK. KAZINFORM — Elde quramynda suıytylǵan nıkotın bar elektrondy temeki ónimderi ımportyna ýaqytsha tyıym salyndy, dep habarlaıdy Kazinform menshikti tilshisi.

Mınıstrler Kabıneti qabyldanǵan qaýlyǵa sáıkes, elge kelesi taýarlardy alty aı merzimge ımporttaýǵa tyıym salynady:

• EAEO SEQ TN 2404 12 000 0 kody boıynsha jiktelgen, quramynda nıkotın suıyqtyǵy bar bir korpýstaǵy elektrondy temekiler jáne nıkotın jetkizý júıeleri;
• EAEO SEQ TN 2404 12 000 0 kody boıynsha jiktelgen, elektrondy temekilerde paıdalanýǵa arnalǵan kartrıdjder, rezervýarlar jáne basqa da ydystarda quramynda nıkotın bar suıyqtyqtar. 

Qaýly resmı jarııalanǵan kúnnen bastap on bes kún ótken soń kúshine enedi.

Bul sharalar qoǵamdyq densaýlyqty qorǵaýǵa, nıkotınge táýeldiliktiń, ásirese jastar arasynda taralýynyń aldyn alýǵa jáne temeki men nıkotındi ónimderdi tutynýmen baılanysty aýrýlardyń qaýpin azaıtýǵa baǵyttalǵan.

Eske sala ketsek, 2024 jyly Qazaqstanda veıp, oǵan arnalǵan hosh ıistendirgish pen suıyqtyq ákelýge, satýǵa jáne taratýǵa tyıym salyndy. 

Sondaı-aq Ózbekstan prezıdenti Shavkat Mırzıeev veıp, oǵan arnalǵan hosh ıistendirgish pen suıyqtyq ákelýge, satýǵa jáne taratýǵa tyıym salatyn zańǵa qol qoıǵanyn habarladyq.