Qyrǵyzstanda elektr tutyný kúrt ósti: kúzgi rekord jańardy
ASTANA. KAZINFORM — Qyrǵyzstanda elektr energııasyn tutyný kólemi aıtarlyqtaı ósti. Bul týraly Kazinform agenttiginiń Bishkektegi menshikti tilshisi habarlady.
«Qyrǵyzstannyń ulttyq elektr jelisi» AAQ málimetinshe, 2026 jylǵy 27 qazanda eldiń energetıkalyq júıesinde táýliktik elektr energııasyn tutyný kólemi kúz mezgilindegi eń joǵary kórsetkishke jetti. Ol 64 mln 318 myń kVt·saǵatty qurady. Bul ótken jyldyń sáıkes kúnindegi kórsetkishten 16 mln 449 myń kVt·saǵatqa artyq.
Kompanııanyń habarlaýynsha, táýligine 66 mln kVt·saǵat jáne odan joǵary elektr energııasyn tutyný deńgeıi ádette jeltoqsan aıynda baıqalady.
Elektr energııasyn tutynýdyń artýyna eń aldymen kúnniń sýytýy jáne elektr jylytý qurylǵylaryn paıdalaný jıiliginiń kóbeıýi sebep bolǵan.
Osyǵan baılanysty tutynýshylarǵa elektr jelisine túsetin júkteme eń joǵary bolatyn tańerteńgi jáne keshki ýaqytta qýatty elektr qurylǵylaryn múmkindiginshe kezekpen paıdalaný usynyldy.
Buǵan deıin Qyrǵyzstan jańa sý elektr stantsııalary men jylý elektr stantsııalaryn salý arqyly energııa tapshylyǵyn azaıtýdy josparlap otyrǵany habarlanǵan edi.
Al Qyrǵyzstan elektr energııasy tapshylyǵyn qalaı joıatynyn myna siltemeden oqyńyz.
