Qyrǵyzstanda elektr skýterler men moped júrgizýge arnaıy kýálik engizý usynyldy

BІShKEK. KAZINFORM — Qyrǵyzstan parlamentiniń depýtaty Dastan Bekeshev elektr samokattary jáne jeke qozǵalystyń basqa da quraldaryn tizgindeýge júrgizýshi kýáligin berýdi engizýdi usyndy, dep habarlaıdy Kazinform tilshisi. 

Depýtattyń aıtýynsha, azamattar óz ótinishterinde saǵatyna 50 shaqyrymnan joǵary jyldamdyqqa jetetin jeke kólikterdi basqarý máselesin retteýdi surap otyr. 

— Olar júrgizýshi kýáligin berýdi qozǵaltqysh qýatymen emes, jetken jyldamdyqpen baılanystyrýdy surap otyr. Eger bul jeke qurylǵy 50 km/saǵ jyldamdyqqa jetse, onda júrgizýshi kýáligin talap etý jáne berý qajet. Qazir tipti balalar skýter men moped minip júr. Múldem quqyǵy joqtar da júrgizip jatyr. Bul tártipsizdik qazirdiń ózinde joldar men trotýarlarda oryn alyp keledi. Eger biz osyny elemesek, jaǵdaı odan da jaman bolady, ony erteń toqtata almaımyz. Qazir mopedti kez kelgen adam satyp alyp, mine alady. Buryn bul sırek kezdesetin jaǵdaı bolsa, qazir úırenshikti jaǵdaıǵa aınaldy, — dedi depýtat Jogorký Kenesh otyrysynda.

Halyq depýtaty prezıdent pen úkimet ókilinen «Ýnaa» memlekettik mekemesine jeke kólikterge júrgizýshi kýáligin berý júıesin ázirleýdi tapsyrýdy surady.

Osyǵan deıin Qyrǵyzstanda alıment pen qaryz endi notarıýs arqyly óndiriletini belgili boldy.