Qyrǵyzstanda elektr energııasyna shekteýsiz tarıfter alynady

BІShKEK. KAZINFORM — Qyrǵyzstan prezıdenti Sadyr Japarov Energetıka mınıstrligine elektr energııasyna shekteýsiz tarıf qoldanýdy toqtatýdy tapsyrdy, dep habarlaıdy Kazinform menshikti tilshisi. 

Prezıdenttiń baspasóz hatshysy Asqat Alagózovtiń habarlaýynsha, Qyrǵyzstan basshysy Energetıka mınıstri Taalaıbek Ibraevtiń «Qyrǵyzstan Ulttyq elektr jelisi» AAQ-na halyqty elektr energııasyna «shekteýsiz tarıfke» kóshýge shaqyrýyna baılanysty áreketterin qatań synǵa aldy. 

Sadyr Japarov elektr qýatynyń tapshylyǵy kezinde mundaı bastamalardyń qabyldanbaıtynyn jáne áleýmettik bólinýge ákelýi múmkin ekenin atap ótti. Olarǵa bul tarıfti qoldanýdy dereý toqtatý jáne qys mezgilinde azamattardyń elektr qýatyna ádil jáne teń qol jetkizýin qamtamasyz etý úshin keshendi sharalar qabyldaý tapsyryldy.

Buǵan deıin Qyrǵyzstannyń energetıka mınıstri Taalaıbek Ibraev «Kabar» aqparat agenttigine bergen suhbatynda azamattardy aldaǵy eń qıyn qys týraly eskertip, energııany únemdeýge shaqyrǵan bolatyn.

Qyrǵyzstandaǵy energııa tapshylyǵy: janama jospar bar ma — osy materıaldan oqı alasyz.