Qyrǵyzstanda elektr energııasy qymbattaıdy
ASTANA. KAZINFORM — 1 mamyrdan bastap elde elektr energııasy tarıfi kóteriledi, dep habarlaıdy Kazinform tilshisi.

Qyrǵyzstan Energetıka mınıstrliginiń málimeti boıynsha sońǵy 10 jylda elektr energııasyn tutyný 3,6 mlrd kılovatt-saǵatqa artyp, qondyrǵylar aıtarlyqtaı júktemede jumys isteıdi. 2024 jyly energetıka salasyndaǵy qarajat tapshylyǵy 8,1 mlrd somdy qurady. Elektr energııasynyń aǵymdaǵy tarıfteri Ortalyq Azııadaǵy eń tómengi tarıfterdiń qatarynda qalyp otyr jáne energııa óndirý men jetkizýge ketken barlyq shyǵyndy óteı almaıdy. Sonyń saldarynan energetıkalyq sektordaǵy tapshylyq baǵanyń ósýi esebinen jabylady.
Ózgeristerge sáıkes tutynýshylar sanattarynyń sany 14-ten 7-ge deıin qysqarady:
700 kVt⋅saǵ deıin tutynatyn «halyq» sanaty úshin, onyń ishinde bıik taýly jáne shalǵaı aımaqtarda turatyndar úshin elektr energııasynyń tarıfi 1,11 som/kVt⋅saǵattan 1,37 som/kVt⋅saǵ deıin (6,47 teńgeden 7,98 teńgege deıin) kóteriledi. 700 kVt⋅saǵ joǵary tutyný úshin — 2,39-dan 2,60 som/kVt⋅saǵ-qa deıin (13,93-ten 15,15 teńgege deıin) artady;
«áleýmettik jáne qoǵamdyq tutynýshylar» sanaty úshin tarıf 2,62 som/kVtsaǵ (15,27 teńge);
«ónerkásiptik tutynýshylar» — 3,34 som (19,47 teńge);
«kommertsııalyq tutynýshylar» — 3,96 som (23,08 teńge);
bıýdjettik tutynýshylar — 4,09 som (23,84 teńge);
«energııany kóp qajet etetin ónerkásiptik tutynýshylar» — 6,06 som (35,32 teńge);
«elektr kólikterin zarıadtaý stantsııalary» — 5,31 som (30,95 teńge).
Buǵan deıin habarlanǵandaı, Qyrǵyzstan 2030 jylǵa deıin jyl saıyn elektr energııasynyń qunyn 20 paıyzǵa kóterýdi usynyp otyr.
Aıta keteıik, 2023 jyldyń 1 tamyzynan bastap 2026 jyldyń 31 jeltoqsanyna deıin Qyrǵyzstannyń energetıka salasynda tótenshe jaǵdaı rejımi engizilgen bolatyn.
Buǵan deıin Qyrǵyzstan energetıka mınıstrligi halyqty elektr qýatyn únemdeýge shaqyrǵanyn jazǵan edik.