Qyrǵyzstanda eks prokýror bılikti kúshpen basyp alý isi boıynsha ustaldy
BІShKEK. KAZINFORM – Bishkekte Qyrǵyz Respýblıkasy Bas prokýratýrasy Jeke qaýipsizdik jáne qyzmetttik tergeý basqarmasynyń burynǵy aǵa prokýrory ustaldy, dep habarlaıdy Kazinform menshikti tilshisi.
Qalanyń Pervomaıskıı aýdandyq soty baspasóz qyzmetiniń málimetinshe, ustalǵan A.Ý.A. jappaı tártipsizdikter daıyndady, bılikti kúshpen basyp aldy jáne uıymdasqan top qurdy dep aıyptalyp otyr. Sot sheshimimen ol 2025 jyldyń 9 qańtaryna deıin tergeý oqshaýlaǵyshyna qamaldy.
Buǵan deıin Qyrǵyzstanda bılikti basyp alý maqsatynda jappaı tártipsizdik uıymdastyrmaq bolǵan 7 adam qamaýǵa alynǵanyn jazǵan bolatynbyz. Ulttyq sport oıyndaryn ótkizemiz degen syltaýmen olar 2024 jylǵy 17 qarashada ótetin jergilikti keńes saılaýy kúni kúsh kórsetýge úndep, konstıtýtsııaǵa qaıshy shaqyrýlardy nasıhattap, keıinnen bılikti kúshpen basyp alý arqyly jaǵdaıdy turaqsyzdandyrýdy kózdegen.
Sondaı-aq Qyrǵyzstannyń UQMK basshysy poshta arqyly qoqan-loqqy kórsetken hat aldy.
Hat avtory keıin ustaldy. Ol burynǵy áskerı ushqysh bolyp shyqty.