Qyrǵyzstanda eki qar kóshkini júrdi, zardap shekkender bar

BІShKEK. KAZINFORM — Ótken túni Tóó-Ashýý asýynda júrgen eki qar kóshkini alty jeńil kólik pen bir shaǵyn avtobýsty basyp qaldy, dep habarlaıdy Kazinform menshikti tilshisi.

Qyrǵyz Respýblıkasy Tótenshe jaǵdaılar mınıstrliginiń basshysy Boobek Ájikeevtiń aıtýynsha, jolaýshylar kóliginiń birin tolyǵymen qar basyp qalǵan, qutqarýshylar odan 4 adamdy alyp shyqty. Zardap shekkenderdiń arasynda esinen tanǵan áıel bar. Ol dereý aýrýhanaǵa jetkizildi.

Qyrǵyzstan Respýblıkasy Kólik jáne kommýnıkatsııa mınıstrliginiń málimetinshe, qar kóshkini bolǵan Bishkek-Osh tasjolynyń 132-shi shaqyrymynda joldy tazalaý jumystary júrgizildi. Jergilikti ýaqyt boıynsha saǵat 22:10–da «Sosnovka» kóliktik baqylaý beketinde jolaýshylar kóliginiń ótýine qoıylǵan shekteý alyndy.

Buǵan deıin Qyrǵyzstanda qar kóshkini basyp qalǵan alty adamnyń máıiti tabylǵanyn jazǵan bolatynbyz.