Qyrǵyzstanda depýtattarǵa talap kúsheıtilmek

ASTANA. KAZINFORM – Qyrǵyzstanda máslıhat depýttartaryna qatysty jańa zań jobasy qarastyrylyp jatyr, dep habarlaıdy Kazinform-nyń menshikti tilshisi.

Zań jobasy saılaý quqyǵy normalaryn jetildirý jáne azamattardyń belsendi saılaý quqyǵyn júzege asyrý tetikterin qurý maqsatynda ázirlengen.

Engiziletin ózgeristerge sáıkes, jergilikti keńesh depýtatynyń (máslıhat - avt) ókilettigin merziminen buryn toqtatýǵa onyń bir jyl ishinde jergilikti keńesh otyrysyna dáleldi sebepsiz eki retten artyq qatyspaýy negiz bolýy múmkin.

Túzetýler tıisti ákimshilik-aýmaqtyq birliktiń joǵary bilimi bar jergilikti qoǵamdastyq depýtatyn saılaýǵa quqyǵy bar qalalyq keńes tóraǵasyna qosymsha talapty belgileıdi. Bul sheshim jergilikti ózin-ózi basqarý máselelerine bilikti ókildik pen kásibı turǵydan qaraýdy qamtamasyz etýge baǵyttalǵan. Jergilikti keńeshterdiń ókildi organ tóraǵasynyń belgili bir kásibı biliminiń bolýy onyń óz mindetterin tıimdi atqarýyna múmkindik beredi.

Eske sala ketsek, 2024 jyldyń 17 qarashasynda Qyrǵyzstanda jergilikti keńeshter, sondaı-aq Bishkek pen Osh qalalarynyń depýtattaryn saılaý ótedi. Qyrǵyzstan prezıdenti Sadyr Japarov 17 qarashada ótetin jergilikti keńes depýtattarynyń saılaýyna baılanysty halyqqa úndeý joldady. 

Buǵan deıin Qyrǵyzstan Ulttyq qaýipsizdik memlekettik komıtetiniń tóraǵasy Qamchybek Tashıev jergilikti keńeshter depýtattyǵyna úmitkerlerdiń árqaısysynyń qylmysqa jáne sybaılas jemqorlyqqa qatysy bar-joǵyn muqııat tekserýdi tapsyrdy. 

Qyrǵyzstanda 18 qazanda 33 qalada jergilikti keńeshter depýtattaryn saılaýǵa qatysty saılaýaldy úgit-nasıhat jumystary bastaldy.