Qyrǵyzstanda depýtattar saılaýy jańa júıe boıynsha ótedi
ASTANA.KAZINFORM — Elde 30 kóp mandatty aýmaqtyq saılaý okrýgi qurylady, olardyń árqaısysy Qyrǵyz Respýblıkasy Jogorký Keńeshiniń 3 depýtatyn saılaıdy, dep habarlaıdy Kazinform agenttiginiń tilshisi.
Tıisti konstıtýtsııalyq zańǵa Qyrǵyz Respýblıkasynyń Prezıdenti Sadyr Japarov qol qoıdy. Qujat Jogorký Keńesh depýtattaryn saılaý tártibin jetildirýge, saıası sybaılas jemqorlyqqa qarsy turýǵa jáne qazirgi saılaý júıesiniń kemshilikterin joıýǵa, azamattardyń saılanatyn ókilderge senim deńgeıin arttyrýǵa baǵyttalǵan.
Saılaý qashyqtan, elektrondy daýys berý arqyly ótkizilýi múmkin.
Kóp mandatty aýmaqtyq saılaý okrýgteri boıynsha Jogorký Kenesh depýtattyǵyna kandıdattar usyný quqyǵy saıası partııalar men azamattarǵa tıesili.
Bıýdjet qarajatyn únemdeý maqsatynda tıisti saılaý okrýgterinen shyǵyp qalǵandardyń ornyna kóp mandatty saılaý okrýgterinde parlament depýtattaryn saılaý ótkizilmeıdi.
Aıta ketelik Qyrǵyzstanda aǵza aıyrbastaýǵa tek týystary donor bola alady.