Qyrǵyzstanda dárigerlerge shabýyl jasaǵandarǵa jaza kúsheıtilmek
ASTANA.KAZINFORM — Qyrǵyzstan medıtsınalyq qyzmetkerlerge qyzmettik mindetin oryndaý kezinde jasalǵan zorlyq-zombylyq úshin jaza túrin kúsheıtýdi josparlap otyr, dep habarlaıdy Kazinform agenttiginiń Bishkektegi tilshisi.
Zań jobasy qoǵamdyq talqylaýǵa usynyldy.
Túzetýler kelesi jazalardy kózdeıdi:
— medıtsınalyq qyzmetkerlerge qyzmettik mindetin oryndaý kezinde zorlyq-zombylyq kórsetý, jeńil dene jaraqatyn keltirý nemese jeńil materıaldyq (múliktik) zalal keltirý qaýpi úshin — 2 aıdan 1 jylǵa deıingi merzimge túzeý jumystary nemese 20 000-nan 50 000 somǵa deıin aıyppul;
— zorlyq-zombylyq qoldanyp, onsha aýyr emes nemese aýyr dene jaraqatyn jáne iri zalal keltirgeni úshin — 50 000-nan 100 000 somǵa deıin aıyppul nemese 1 jyldan 3 jylǵa deıingi merzimge bas bostandyǵynan aıyrý;
— asa aýyr dene jaraqatyn salǵan jáne asa iri kólemde zalal keltirgeni úshin zorlyq-zombylyq jasaǵany úshin — 3 jyldan 5 jylǵa deıingi merzimge bas bostandyǵynan aıyrý;
— densaýlyq saqtaý qyzmetkerleriniń qyzmettik mindetin oryndaýyna zorlyq-zombylyq kórsetip, kedergi keltirip, saldarynan densaýlyǵyna asa aýyr zııan keltirilse — 5 jyldan 8 jylǵa deıin bas bostandyǵynan aıyrý;
— densaýlyq saqtaý qyzmetkerleriniń jumysyna zańsyz aralasyp, sonyń ishinde BAQ nemese telekommýnıkatsııa jelileri arqyly qorlap, qurmetsizdik tanytyp, ádepsiz minez-qulyq kórsetkeni úshin— 10 000 som aıyppul;
Esterińizge sala keteıik, Qazaqstanda densaýlyq saqtaý qyzmetkerlerine shabýyl jasaý 12 jylǵa bas bostandyǵynan aıyrý jazasyn kózdeıdi.
