Qyrǵyzstanda bıýdjet qyzmetkerlerin saılaýaldy naýqanǵa tartýǵa tyıym salyndy
ASTANA. KAZINFORM — Qyrǵyzstanda aldaǵy prezıdent saılaýyna daıyndyq kezinde ákimshilik resýrsty paıdalanýǵa qatań shekteý qoıatyn jarlyqqa qol qoıyldy. Bul týraly Kazinform agenttiginiń Bishkektegi menshikti tilshisi habarlaıdy.
Qujatqa sáıkes, muǵalimder men oqýshylardy, oqytýshylar men stýdentterdi, áleýmettik qyzmetkerlerdi, medıtsına mamandaryn, sondaı-aq halyqqa qyzmet kórsetetin memlekettik jáne jergilikti ózin-ózi basqarý uıymdary, mekemeleri men kásiporyndarynyń qyzmetkerlerin qandaı da bir kandıdatty qoldaýǵa baǵyttalǵan saılaýaldy úgit-nasıhatqa tartýǵa qatań tyıym salynady.
Sonymen qatar qandaı da bir kandıdatty qoldap, qyzmettik ókilettigin paıdalanǵan nemese úgit-nasıhatqa zańsyz qatysqan vedomstvo basshylary men laýazymdy tulǵalar qatań tártiptik jaýapkershilikke tartylyp, qyzmetinen dereý bosatylady.
Aıta keteıik, Qyrǵyzstandaǵy kezekti prezıdent saılaýy 2027 jylǵy 27 qańtarda ótedi.
Buǵan deıin Qyrǵyzstan prezıdenti Sadyr Japarovtyń ekinshi merzimge saılaýǵa túsý nıeti bar ekeni habarlanǵan bolatyn.
Qyrǵyzstandaǵy prezıdent saılaýyna qansha qarjy jumsalatynyn myna jerden oqyńyz.
