Qyrǵyzstanda brakonerlikke qatysty aıyppul úsh ese kóbeıdi
ASTANA. KAZINFORM – Bıoártúrlilikti saqtaý jáne brakonerlikke qarsy kúresti kúsheıtý maqsatynda Qyrǵyzstan jabaıy tabıǵatqa keltirilgen zalal úshin aıyppul kólemin kóbeıtti.
Tabıǵı resýrstar, ekologııa jáne tehnıkalyq qadaǵalaý mınıstrliginiń málimetinshe, úkimet jabaıy tabıǵatqa keltirilgen zalal úshin aıyppuldardy aıtarlyqtaı kóbeıtý týraly qaýlyǵa qol qoıdy.
Túzetýge sáıkes, taýeshkilerdi zańsyz óltirgeni úshin aıyppul úsh esege ósip, 300 000 somǵa (1,6 mıllıon teńgeden astam), elikterge 100 000 somǵa (546 000 teńge), al aq jáne qara láılekterge zııan keltirgeni úshin aıyppul 30 000 somǵa (163 000 teńgeden astam) deıin ósti.
Jınalǵan qarajattyń bir bóligi qorshaǵan orta buzýshylyqtaryn anyqtaǵan jáne olardy qýdalaýǵa kómektesken adamdardy qarjylaı yntalandyrýǵa jumsalatyny atalyp ótti.
Buǵan deıin qar barysy resmı túrde Qyrǵyzstannyń sımvoly bolyp tanyldy.
