Qyrǵyzstanda bir mandatty okrýgter boıynsha depýtattar saılaýyn ótkizbeýdi usynyp otyr

BІShEKE. KAZINFORM – Bul týraly Parlament Májilisiniń vıtse-spıkeri Nurbek Sadyǵalıev bastamashy bolyp, qoǵamdyq talqylaýǵa usynylǵan zań jobasynda aıtylǵan, dep habarlaıdy Kazinform menshikti tilshisi.

Qyrǵyzstanda Jogorký Keneshtiń 36 depýtaty majorıtarlyq júıe boıynsha bir mandatty okrýgterden saılanady.

Zańnamada qarastyrylǵandaı, sáıkes saılaý okrýgterinen shyǵyp qalǵandardyń ornyna bir mandatty saılaý okrýgteri boıynsha depýtattardyń saılaýyn el prezıdenti taǵaıyndaıdy jáne ony bos depýtattyq mandat paıda bolǵannan keıin eki aı ishinde ortalyq saılaý komıssııasy ótkizedi. Saılaýdy qaıta ótkizý úshin respýblıkalyq bıýdjetten qomaqty aqsha jumsalady. 

Parlament depýtattaryn saılaý kezinde respýblıkalyq bıýdjet qarajatyn ońtaıly paıdalanýǵa baǵyttalǵan túzetýlerge sáıkes, proportsıonaldyq júıeni qoldana otyryp, bir saılaý okrýginde Jogorký Keneshtiń 90 parlamentarııiniń saılaýyn ótkizý usynylǵan. 
Eske sala ketsek, 2024 jyldyń qarashasynda Qyrǵyzstanda 33 qalalyq jáne 231 aýyldyq keńes depýtattarynyń saılaýy ótti.