Qyrǵyzstanda bir aptada 11,5 myń adam tumaý juqtyrǵan

Qyrǵyzstanda bir apta ishinde tumaý juqtyrǵan 11,5 myń adam jáne COVID-19-ǵa shaldyqqan 2 adam tirkeldi. Aýrýlardyń aldyn alý jáne memlekettik epıdemııalyq baqylaý departamenti eldegi epıdemııalyq ahýal týraly aıtyp berdi.

Kazinform bul týraly Kabar.kg agenttigine silteme jasap habarlaıdy.

Mamandardyń deregi boıynsha, 2023 jylǵy 11-17 jeltoqsan aralyǵynda respýblıkada 11 575 tumaý men JRVI tirkelgen, ótken aptamen salystyrǵandaǵy ósim - 43,4%. Byltyrǵy jylmen salystyrǵanda maýsymdyq vırýs juqtyrǵandar tórt ese azaıǵany baıqalady.

Ótken aptada Bishkek pen Shý oblysynda COVID-19 juqtyrǵan 2 adam tirkeldi.

Respýblıkada tumaý, JRVI men COVID-19 epıdemııalyq ahýalyna monıtorıng jasaý jáne baǵalaý jumystary jalǵasyp jatyr.