Qyrǵyzstanda bilim berý salasy qyzmetkerlerin marapattaý júıesi jańartyldy
ASTANA. KAZINFORM — Qyrǵyzstannyń Bilim berý mınıstrligi № 521/1 buıryǵyna sáıkes vedomstvolyq nagradalar týraly erejeni bekitti. Bul týraly vedomstvonyń baspasóz qyzmeti habarlady, dep jazady Kabar.
Erejege sáıkes, vedomstvolyq nagradalardy berý úderisi «Muǵalim» avtomattandyrylǵan aqparattyq júıesi (budan ári — AAJ «Muǵalim») derekteri negizinde júzege asyrylady.
Nagradaǵa úmitkerlerdi esepke alý, derekterdi óńdeý jáne kandıdattar tizimin qalyptastyrý «Muǵalim» avtomattandyrylǵan aqparattyq júıesi arqyly avtomatty túrde júrgiziledi.
Mınıstrliktiń vedomstvolyq marapattaryna mynalar kiredi:
- Qyrǵyz Respýblıkasynyń Bilim berý mınıstrliginiń Qurmet gramotasy;
- Qyrǵyz Respýblıkasynyń Bilim berý mınıstrliginiń gramotasy;
- «Bilim berý úzdigi» tósbelgisi;
- «Úzdik qyzmetker» tósbelgisi;
- «Yntymaqtastyqqa qosqan úlesi úshin» medali.
Vedomstvolyq nagradalar jylyna eki ret beriledi:
— «Sońǵy qońyraý» is-sharasyna oraı;
— 5 qazan — Bilim berý qyzmetkerleri kúnine oraı.
Sondaı-aq marapatqa usynylatyn tulǵa AAJ «Muǵalim» júıesindegi portfolıosynda buryn berilgen marapattar týraly málimetterdi mindetti túrde kórsetýi qajet.
Buǵan deıin Qyrǵyzstanda nekege turmas buryn mindetti tekserýden ótýdi engizý usynyldy.
