Qyrǵyzstanda bızneske salyqtyq tekseris júrgizýge moratorıı engizildi

BІShKEK. KAZINFORM – Qyrǵyzstan prezıdenti Sadyr Japarov bızneske salyqtyq tekseris júrgizýge ýaqytsha tyıym salý týraly jarlyqqa qol qoıdy, dep habarlaıdy Kazinform menshikti tilshisi. 

Moratorıı 2026 jyldyń 31 jeltoqsanyna deıin kúshinde bolady. Bul sharalar kásipkerlerdi qoldaýǵa, ınvestıtsııalyq ahýaldy jaqsartýǵa, bıznestiń quqyqtary men zańdy múddelerin qorǵaýǵa jáne úkimettiń kásipkerlik qyzmetke negizsiz jáne shamadan tys aralasýynyń aldyn alýǵa baǵyttalǵan.

Qujatta tekserýler júrgizilýi múmkin erekshelikter qarastyrylǵan:

• kóshpeli taqyryptyq, josparly jáne qarsy tekserister;

• kameralyq tekseris;

• uıym taratylǵan jáne/nemese jeke kásipkerdiń qyzmeti toqtatylǵan jaǵdaıda;

• reıdtik salyqtyq baqylaý jáne kassalyq mashınalardyń paıdalanylýyna salyqtyq baqylaý.

Memlekettik salyq qyzmetine táýekelge baǵyttalǵan bıznes sýbektilerin tekseris josparlaryna júıeli túrde engizý úshin anyqtaý boıynsha analıtıkalyq jumysty kúsheıtý tapsyryldy.

Quqyq qorǵaý organdaryna jetkilikti dálelder bolmaǵan jaǵdaıda tek jospardan tys salyqtyq tekseris júrgizý maqsatynda qylmystyq isterdiń qozǵalýyna jol bermeý tapsyryldy.

Buǵan deıin Qyrǵyzstanda qaǵaz, karton, súrek pen aǵash materıaly eksportyna moratorıı engizilgenin habarladyq.