Qyrǵyzstanda baspana baǵasynyń qymbattaý sebepteri ataldy
ASTANA. KAZINFORM — Qyrǵyzstanda jyljymaıtyn múlik naryǵyndaǵy baǵanyń ósýi jalǵasyp keledi. Páterler men jeke úılerdiń baǵasy kúrt qymbattap jatyr. Bul jaǵdaıǵa makro jáne mıkroekonomıkalyq birqatar sebep áser etken, dep jazady Kabar.
Bul týraly Memlekettik jer resýrstary, kadastr, geodezııa jáne kartografııa agenttigi habarlady.
Baǵa nege ósip jatyr?
Sarapshylardyń aıtýynsha, negizgi sebep — ınflıatsııa. Qurylys materıaldarynyń basym bóligi Reseı, Qazaqstan jáne Qytaıdan ákelinedi. El ishinde óndiriletin tsement pen kirpish te jetkiliksiz. Sonymen qatar, jumys kúshiniń qymbattaýy da qurylys baǵasyna áser etken.
Naryqtaǵy jaǵdaı
Baǵa ásirese iri qalalarda — Bishkek, Osh, Manas pen Qarakólde aıtarlyqtaı ósken.
Jer tapshylyǵyna baılanysty kópqabatty úı salý qarqyny artyp otyr.
Páter satyp alý mámileleri azaıǵanymen, jeke úılerge suranys artqan. Al qurylys kompanııalary jeke úılerdi kóbine jer telimi úshin satyp alyp jatyr.
Statıstıka
Bishkekte jeke úılerdiń ortasha baǵasy 2025 jyldyń alǵashqy 8 aıynda 16,2 mln somǵa jetken — bul ótken jylmen salystyrǵanda 35%-ǵa joǵary.
Eń qymbat úıler Oktıabr aýdanynda ornalasqan. Quny shamamen 24,6 mln som.
Osh qalasynda jeke úıdiń baǵasy bir jylda 19,3%-ǵa ósken.
El boıynsha 8 aıda 17 930 jyljymaıtyn múlik kelisimi jasalǵan. Bul ótken jylmen salystyrǵanda 2 018 mámilege kóp.
Oshta mámile sany 74,6%-ǵa artsa, Bishkekte kerisinshe 4,3%-ǵa azaıǵan.
Buǵan deıin Qyrǵyzstanda avtomektepterge lıtsenzııa berýge moratorıı engizilgenin jazǵanbyz.