Qyrǵyzstanda balamaly qyzmet pen mobılızatsııalyq rezerv erejeleri ózgerdi
ASTANA. KAZINFORM – El úkimeti mobılızatsııalyq rezerv jıyndaryn ótkizý jáne balamaly áskerı qyzmet tártibine ózgerister engizdi. Bul týraly Kazinform agenttiginiń Bishkektegi menshikti tilshisi habarlady.
Qabyldanǵan qaýlyǵa sáıkes:
Mobılızatsııalyq rezerv:
— Áskerı qyzmet ótpegen nemese balamaly qyzmet atqarǵan 22–40 jas aralyǵyndaǵy azamattar 30 kúndik jıynnan ótip, 500 eseptik kórsetkish (50 myń som nemese 272 myń teńgeden astam) mólsherinde jarna tóleıdi;
— Joǵary bilimi bar, 30 jasqa deıingi jáne birinshi sanattaǵy zapasta turǵan áskerı mindettiler úshin jarna 700 eseptik kórsetkishti (70 myń som nemese 381 myń teńgeden astam) quraıdy, al jıyn uzaqtyǵy 30 kún bolyp qalady.
Balamaly qyzmet:
— Otbasylyq jaǵdaıyna baılanysty shaqyrylǵan azamattar 180 eseptik kórsetkish (18 myń som nemese 98 myń teńgeden astam) tóleıdi, al densaýlyǵyna baılanysty shekteýli jaramdy azamattar — 250 eseptik kórsetkish (25 myń som nemese 136 myń teńgeden astam);
— Dinı senimine baılanysty áskerı qyzmetten bas tartatyn nemese qoǵamdyq paıdaly jumystardy tańdaǵan azamattar belgilengen jumys kólemin oryndap, 250 eseptik kórsetkish (25 myń som nemese 136 myń teńgeden astam) tóleıdi.
Aıta ketelik Qyrǵyzstanda uıymdasqan qylmystyq toptyń qarý-jaraq qoımasy tabylǵany týraly jazǵan edik.
