Qyrǵyzstanda balalarda sırek kezdesetin sındrom anyqtaldy

ASTANA. KAZINFORM – Qyrǵyzstandaǵy Ana men balany qorǵaý ortalyǵynyń balalar onkologııasy bólimine sırek kezdesetin aýrý – Peıtts-Egers sındromymen naýqas tústi. Bul týraly ortalyq basshysy Sultan Stambekov habarlady. 

Bul – sırek kezdesetin, tuqym qýalaıtyn aýrý. Onyń aıtýynsha, teride jáne shyryshty qabattarda (ásirese aýyzdyń aınalasynda, erinde, bettiń shyryshty qabattarynda, keıde qol men aıaqta) pıgmentti daqtar balalyq shaqta jıi paıda bolady. Asqazan-ishek joldarynda polıpter de bar (ádette ash ishekte, biraq asqazanda, toq ishekte jáne basqa organdarda sırek kezdesedi).

Bul polıpter gamartomalar (qatersiz), biraq ýaqyt óte kele olar qaterli transformatsııa qaýpin arttyrady.

Aýrý STK11 (LKB1) geniniń mýtatsııasynan týyndaýy múmkin. Sındrom aýtosomdy-domınantty túrde beriledi. ıAǵnı ata-analardyń bireýi zardap shekken bolsa, onyń balaǵa berilý qaýpi shamamen 50%-dy quraıdy.

Peıtts-Egers sındromynyń qaýpine mynalar jatady:

uıqy beziniń qaterli isigi;

ishek isigi;

asqazan isigi;

áıelderde sút bezi, analyq bez jáne jatyr moıny obyry;

erlerdegi atalyq bezdiń qaterli isigi (ásirese sırek kezdesetin Sertolı jasýshalyq isigi).

Sımptomdary erinde, tilde jáne aýyz aınalasynda qara qońyr nemese qara daqtar, ishtiń aýyrýy (kóbinese ishektiń polıppen ınvagınatsııalanýynan), asqazan-ishekten qan ketý (anemııa), ish qatý nemese ishek ótimsizdigi bolýy múmkin.

Aýrýdy dıagnostıkalaý úshin asqazan men ishektiń endoskopııasy, kolonoskopııa, kapsýla endoskopııasy (jińishke ishekke) jáne genetıkalyq testileý júrgiziledi.

Emdeý polıpterdi endoskopııalyq nemese hırýrgııalyq jolmen alyp tastaýdy, júıeli skrınıngti jáne profılaktıkalyq sharalardy qamtıdy.

Eske sala keteıik, japon ǵalymdary daýn sındromyn emdeý úshin artyq hromosomany alyp tastaý tehnologııasyn oılap tapty.